Funiculì Funiculà

Aissera, Nanninè, me ne sagliette
tu saie addò? Tu saie addò?
Addò stu core 'ngrato chiù dispiette
farme non pò, farme non pò.
Addò llo fuoco coce, ma si fuje
te lassa stà, te lassa stà.
E non te corre appriesso, non te struje
sulo a guardà, sulo a guardà.

Jammo, jammo 'ncoppa, jammo jà
jammo, jammo 'ncoppa, jammo jà
funiculì funiculà funiculì funiculà.
'Ncoppa jammo ja, funiculì funiculà.

Nè, jammo: da la terra a la montagna
no passo 'n c'è, no passo 'n c'è.
Se vede Francia, Proceta, la Spagna
e io veco a te, io veco a te.
Tirete co lli fune nnitto, nfatto
'ncielo se va, 'ncielo se va.
Se va comm'a llo viento, a l'antrasatto,
guè, saglie, sà, guè, saglie, sà.

Jammo, jammo 'ncoppa, jammo jà
jammo, jammo 'ncoppa, jammo jà
funiculì funiculà funiculì funiculà.
'Ncoppa jammo ja, funiculì funiculà.

Se n'è sagliuta, oi nè, se n'è sagliuta,
la capa già, la capa già.
E' ghiuta, pò è tornata, e pò è venuta,
sta sempre cca! Sta sempre cca!
La capa vota vota attuorno, attuorno,
attuorno a te, attuorno a te.
Llo core canta sempe no taluorno
sposammo, oi nè! Sposammo, oi nè!

Jammo, jammo 'ncoppa, jammo jà
jammo, jammo 'ncoppa, jammo jà
funiculì funiculà funiculì funiculà.
'Ncoppa jammo ja, funiculì funiculà.