Elemento Aggiunto

El muro bianco, drìo de la to casa
ti te saltavi come un oseleto,
Joska la rossa, pèle de bombasa,
tutte le sere prima de 'na in leto.
Te stavi lì, co le scarpe rote
te ne vardavi drio da j'oci mori
e te balavi alegra tuta note
e i baldi alpini te cantava i cori. Oh.

Joska, Joska, Joska,
salta la mura!
Fin che la dura, oh.
Joska, Joska, Joska,
salta la mura!
Bala con mi! Oh.

Ti te portavi el sole ogni matina,
e degli alpini te geri la morosa,
sorela, mama, boca canterina,
oci del sol, meravigliosa rosa.
Xe tanto e tanto nù, ca te zerchémo,
Joska la rossa amor rosa spania
Ma dove sito andà? Ma dove andemo?
Semo ramenghi. O morti. E cosí sia. Oh.

Joska, Joska, Joska,
salta la mura!
Fin che la dura, oh.
Joska, Joska, Joska,
salta la mura!
Bala con mi! Oh.

Busa con crose. Sarà sta i putéi?
La par 'na bara e invece zé n‚ 'na cuna.
E dentro dorme tuti i to fradei,
fermi impalà, co i oci ne la luna. Oh.

Joska, Joska, Joska,
salta la mura!
Fin che la dura, oh.
Joska, Joska, Joska,
salta la mura!
Fermete là! Oh.