Omni die

Omni die
Omni die, dic Mariae mea laudes anima;
ejus festa, ejus gesta cole splendidissima.
Pulchra tota, sine nota cuiuscumque maculae,
fac me mundum et jucundum te laudare sedule.
Ut sim castus et modestus, dulcis, blandus, sobrius,
pius, rectus, circumspectus, simultatim nescius.
Eruditus et munitus divinis eloquiis,
timoratus et ornatus sacris exercitiis.
Virgo sancta, cerne quanta perferamus jugiter
tentamenta et sustenta nos ut stemus fortiter.
Esto tutrix et adiutrix christiani populi;
pacem praesta, ne molesta nos perturbent saecula.
Amen.