Serenata a Castel Toblin

Ride la luna ciara
sora castel Toblin;
mi 'incordo la chitara
ti 'ncorda 'l mandolin
e nente 'n barca.

Dal vento senza remo
ne lasserem portar
e allegri canteremo
fazendo risonar
la Val del Sarca.

E quando en mez al lach la melodia
passerà 'n sol minor
mi te dirò le pene del me cor
e ti te me dirai che te sei mia.

Tornadi su la riva
felize te offrirò
en ramoscel de olivo
e po' te baserò
la boca bela.

E taserem; ma alora
en coro de ciciòi
saluderà quell'ora
e passerà su noi
l'ultima stela.

E quando al primo sol la melodia
tornerà 'n mi magior
ti, co' la testa bionda sul me cor,
te me farai sentir che te sei mia.