Torna a Surriento

Vide 'o mare de Surriento
che tesoro tene nfunno;
chi ha girato tutto 'o munno
nun l'ha visto comm'a cca.
Guarda attuorno sti sserene,
ca te guardano ncantate
e te vonno tantu bene...
Te vulissero vasà...
E tu dice ''I' parto addio!´´
T'alluntane da stu core...
Da sta terra de l'ammore...
Tiene 'o core 'e nun turnà?

Ma nun me lassà,
nun darme stu turmiento!
Torna a Surriento, famme campà!

Vide 'o mare quant'è bello
spira tantu sientimento
comme tu a chi tiene mente
ca scetato 'o faie sunnà.
Guarda quà chisto ciardino;
siente, siè, sti sciure arance:
nu profumo accussi fino
dint'o core se ne va...
E tu dice: ''I' parto addio!´´
T'alluntane da stu core...
Da sta terra de l'ammore...
Tiene 'o core 'e nun turnà?

Ma nun me lassà,
nun darme stu turmiento!
Torna a Surriento, famme campà!