Maria Vergine annacannu

Maria Vergine annacannu,
a Gesuzzu figghiu so',
ci ricìa accussi cantannu,
dormi figghiu e fai la vo'.
Bedda rosa e bianco giugghiu,
fai la vo' Gesuzzu figghiu.

Nicareddu picciriddu,
ri sti cori ardenti natu,
veramenti senti friddu
e a la mamma sua sta' abbrazzatu.
Iu ti scardo intra stu pettu
fai la vo' figghiu dilettu.

Chi su beddi sti masciddi,
ch'è amurusa sta vuccuzza,
chi su biunni sti capiddi,
quantu è bedda sta facciuzza.
Lu me cori pi tia ni spinna
fai la vo', fammi la ninna.

Quannu tappiru a purtari,
li riali li pasturi,
tutti a tia li vogghiu rari
cu chiu' affettu e cu chiu' amuri.
Dormi dunque dormi tu
fai la vo' figghiu Gesù.

Tu p'amuri t'hai incarnatu,
pi li grazi ai piccaturi,
e cu tuttu, l'omo ingratu
mancu chianci lu su erruri.
Iddi scialanu e tu pati,
chi sù 'ngrati, chi su 'ngrati.