A disen la cansun la nass a Napuli
e certament g’han minga tutt i tort
Surriento, Margellina tutt i popoli
I’avran cantà almen un miliun de volt
mi speri che s’offendera nissun
se parlom un cicinin anca de num.

O mia bela Madunina che te brillet de lontan
tuta d’ora e piscinina, ti te dominet Milan
sota a ti se viv la vita se sta mai cui man in man
canten tucc "lontan de Napuli se mor"
ma po’ vegnen chi a Milan.

Adess ghè la cansun de Roma magica
de Nina er Cupolone e Rugantin
se sbaten in del Tever, roba tragica
esageren, me par, un cicinin
Sperem che vegna minga la mania
de metes a cantà "Melano mia".

O mia bela Madunina che te brillet de lontan
tuta d’ora e piscinina, ti te dominet Milan
sota a ti se viv la vita se sta mai cui man in man
canten tucc "lontan de Napuli se mor"
ma po’ vegnen chi a Milan.

Si vegnì senza paura
num ve songaremm la man
tutt el monda l’è paes e semm d’accord
ma Milan, l’è un gran Milan!