Ciuri ciuri

Ciuri ciuri ciuri di tuttu l'annu,
l'amuri ca mi rasti ti lu tornu.

La la la la... La la la.

Ciuri di gelsuminu rampicanti
siddu passannu cantari mi senti,
‘nun cantu né ‘pe ammuri né p'amanti
ma cantu pi sturnarimi la menti.

Me soggira mi dissi: "Va' travagghia
e nun mi fari patiri a me figghia.
Ouannu t'a resi iu era ‘na quagghia
e tu m'a ridducisti na grattigghia".

Mi vogghiu sciarriari ccu me matri
pirchì mi fici accussi curtulidda.
Mmenzù a li longhi nun ci pozzu stari
ca tutti m'inciurianu nanulidda.

Li longhi su sciarrini e micidiali
e annu ‘na vucca quantu ‘na majdda.
I curtuliddi su i pastarriali
‘mpastati su ccu zuccuru e cu meli.

Comu ai fari cu sta donna Rosa
ca mi vò dari a figghia senza casa,
iù c'iaia dittu: "Datici la casa
sinnò va resta schetta la carusa".

Comu s'abbrucculia ‘stu bardasceddu
si va vantannu ca moru pi iddu.
M'agghiu a pigghiari a nautru cchiu beddo
ca doti e casa m'appurtari iddu.

Ammatula t ‘arrizzi e fai cannola
ca bedda ti ccià ‘ffari la natura,
Lu santu è di marmuru e nun sura
è bono pi ppurtari a sipurtura.

Ciuri di rosi russi a lu sbucciari
Amaru l'omu ca fimmini criri.
Amaru cu si fa supraniari
lustru di paradisu nun ni viri.

Ciuri di menta sicca e paparini
L'omini comu a voi cussì cafuni (2v.)
ni li stricamu sutta li tappini.