Pigliate ‘na pastiglia

Io cammino ogne notte,
io cammino sbarianno,
io nun tengo maje suonno,
nun chiudo maje ll'uocchie
e nun bevo caffè!
Va' te cocca, siente a me!... (2v.)

Na perziana ca sbatte,
nu lampione ca luce...
E nu ‘mbriaco ca dice,
bussanno a na porta:
«M'arape, Cunce'?».
Da tre mise nun dormo cchiù:
‘na vucchella vurrìa scurdà...
gente, diciteme comm'aggi' ‘a fa?

Pigliate na pastiglia!
Pigliate na pastiglia, siente a mme...
Pe' mme fa addurmi,
pe' mme fa scurdà,
il mio dolce amor!
Pigliate na pastiglia!
Pigliate na pastiglia, siente a me ...
Pe ‘mme fà sentì
come un gran pascià
e mm' inebria il cuor.
Dint' ‘e vvetrine ‘e tutt' ‘e farmaciste,
la vecchia cammomilla ha dato il posto
alle palline ‘e glicerofosfato -
bromotelevisionato -
grammi: zero, zero, tre... Ah!...
Pigliate na pastiglia, siente a me...

Dint' ‘o scuro na gatta,
mastecanno na sarda,
doce doce mme guarda,
mme guarda, se struscia,
miagola e fa…
Siente a me: vatte a cuccà! (2v.)

So' nu ciuccio ‘e carretta,
carrecato d'ammore
ca se tira stu core...
stu core, ca cerca
la felicità!
Da tre mise nun dormo cchiù:
‘na vucchella vurria scurdà!
Gente, diciteme comm'aggi' ‘a fa?

Pigliate na pastiglia!...
Dint' ‘e vvetrine ‘e tutt' ‘e farmaciste,
la vecchia camomilla ha dato il posto
alle palline ‘e glicerofosfato -
bromote/evisionato -
DDT bicarbonato,
borotalco e seme ‘e lino,
cataplasma e semolino,
na custata ‘e fiorentina,
mortadella e duje panine
cu nu miezu litro ‘e vino,
nu caffé con caffeina -
grammi: zero, zero, tre! Ah! ...
Pigliate na pastiglia, siente a me!