Elemento Aggiunto

Che dolcezza nella voze de me mama
quando 'nsieme s'arivava al capitel
la polsava 'n momentin,
la pregava pian pianin.
E alla fin la me diseva: vei che nem.
Ve saludo Madonina, steme ben.

Do violete profumade 'n primavera
qualche volta 'n goz de oio nel lumin.
Tanti ani è za passà
quasi gnente gh'è restà.
Ma mi sento ancor la voze... "Vei che nem
ve saludo Madonina, steme ben".

È restà en tochetin de Madonina
ma che ride quando lì che cioca 'l sol
el fiscieta n'oselet
propri 'n zima, sul muret.
Quella voze benedeta ancor la vegn:
"Ve saludo Madonina, steme ben".