Còssa gavé voi pare

Còssa gavé voi pare
che tanto sospiré,
sospiro cara fiòla
che in guera devo andar.

No sospiré per questo
che 'n guera vago mi,
no sospiré per quelo
che voi podé star chi.

Compréme 'n bel cavalo
che possa scavalcar
e na spadina al fianco
che possa sgueregiar.

'L papà l'è a la finestra,
la mama al balcon
per veder la so fiòla
lì 'n mezo al bataglion.

La lassa zo la veste,
la tira sui bragon,
la slancia sul cavalo
vestita a la dragon.

I soldadi che va 'n guera
no i prende mai dei fior,
soltanto qualche volta
quando i va far l'amor.

I soldadi che va 'n guera
no i se lava mai le man,
soltanto qualche volta
col sangue da cristian.

'L pregheria sior capitano
che él mai quel soldà là
la voze l'éi da dona
vestida da soldà.